ABOUT J.F. DICTIONARY

Kum 2011-2013 vêla facebook a computer leh I.T. lam kaihhnawih group lian ber te zîng ami Mizo I.T. Helpline ah hian computer leh phone-a hman tur Mizo Dictionary a awm leh awm loh zâwt an tam ṭhin hle a. Computer-a hman tur chu awm tho mahse mobile phone a hman tur erawh tih tlâk em em a awm hran lo va, PDF file in an inpe mai ṭhin. Mizo ten kan mamawhna a nasat êm avângin ka siam theih dawn leh dawn loh pawh hre hauh lovin 2nd Nov 2013 khân facebook a ka status-ah a hnuaia kan hmuh ang khuan mithiam zâwkte ka cho ta ṭhuai mai a ni 😂.

Khimi hnu 5th May 2014-ah version hmasa ber 1.0 chu tihchhuah a lo ni ta a ni. Google Playstore-a dah tûrin Credit Card a hunlai chuan a lo ngai bawk nên, Pu Zothana aKa Alexxfender (USA) in Google Developer registration hi min tihsak nghe nghe a, a chungah ka lawm êm êm a ni. Tin, hei mai bâkah hian lawmawm êm êm mai chu Mizo zinga logo design lama thiam ber Pu Lian Tluanga (KozolArts) in a thlâwn vekin min design sak bawk.

Pictures

Application Icon

Pu Lian Tluanga'n mawi taka a siam chu.

Version 1

Version hmasa ber screenshot.

Version 1.+

Hma a sawn ve hret.

Feature

Features hrang hrang dah leh paih ṭhen te a awm zel bawk a.

Recent

Upgrade ve beuh beuh zêl niin thuam ṭhat ve zel a ni.

Versions

2018 ah meuh chuan version 26 lai mai tihchhuah a ni ta.