Sponsors
Sponsor list-ah hian automatic-in hming a lang nghal lova, manual veka chhut luh a ni.
- Anonymous, Champhai 200
- Robz Chhangte, Ramhlun South 200
- HT Tluanga, Aizawl 500
- Nghaka Tlau, Khawlailung 200
- Matua, Aizawl 100
- Lalthantluanga, Kolasib 100
- Anonymous, Kolasib 50
- Eliza Hnamte, Hlimen 100
- Anonymous, Aizawl 100
- Nanti-a, Venghlui, Aizawl 200
- VL Nunhlima Chhangte, Tlangnuam Vengthar 50
- Mafaka, Saikhamakawn 200
- Lalzarzova, Chanmari, Aizawl 200
- Lta Pachuau, ITI Veng 500
- Gos Ralte, Kolasib 200
- Mawitei, Luangmual 100
- Albert Lalbuatsaiha, Thingdawl 250
- Nunhlu Pachuau, Thenzawl 100
- Muankima Khawlhring, Khuangpuilam, Kolasib 250
- Anonymous, Electric Veng 200
- Amtea, Upper Republic 50
- Anonymous, Mandya, Karnataka 50
- MizoAndroid.org, Aizawl 500
- Lallawmkima, Chhiahtlang 200
- Anonymous, Mizoram 500
- Mâhmuaki, Mizoram 100
- Mathlenga Vanchhawng, J&K 100
- Nicky, Aizawl 50
- Samuel Winchester, Zemabawk 100
- Anonymous, 8146360642 500
- Rini, Mumbai 200
- Zalawmpuia Thado, Japan 370
- VL Rawngbawla, Champhai 100
- B Lawmkima, Salem Veng 10
- Anonymous, Aizawl 200
- Seventhson Mizo, Khawbel 300
- Emmanuel LH, US 777
- Sawma, Aizawl 300
- Lalnuntluanga Ralte, Aizawl 100
- Kin Snail, Ramhlun North 500
- 0
Why Donation?
JF Dictionary version hmasa ber hi 11th May 2014 khan siamchhuah a ni a, chuta ṭang chuan a khât tâwka update chhoh beuh beuh niin vawiin thleng hian chhunzawm a la ni. Thiamna te a ṭhang chakin android leh mobile phone te pawh a aia ṭha zâwkin nitin an siam reng a, chutianga an siam chhuah thar lo mil ve zêl tûr chuan application te pawh update ve zêl an ngaiin châwl lova inzir ve reng a ngai a. Hun te neih a harin JF Dictionary pawh hi hnathawhna hmuna boss te hmuh palh leh hauh hlau reng reng chunga a rûka khawih hi a tam viau awm e.
Mizo te hian android app mai bâkah app install ve theilo (windows phone, iOS device) te tan ONLINE hmanga dictionary en tûr kan mamawh êm avângin hei tunah a website ang zâwngin siam thar leh a ni a. Rilruah a aia ṭha leh changtlung zâwka tih dân tûr te awm ṭeuh mahse hun te neih a harin engemaw chenah a buaipui nân mahni sum hman a lo ṭul ve ṭhin bawk a. Inbox leh email lamah te an lo hman ṭangkaizia message dawn phei chuan mi a ti phûrin a aia ṭha leh changtlung zâwka tih theih vat a châkawm ṭhin êm êm a ni.
Mi ṭhenkhatin min râwn angin application chhûngah advertisement te dahin, fakna a hnawk ti ho tân pawisa chawia UPGRADE tûra siam te pawh rilrûk thut thut châng a awm ṭhin a. Mahse, JF Dictionary app hi sum siamna tur nilovin Mizote'n kan mamawh êm avâng leh vawi tam tak Pathian hnena hlân chunga siam anih avâng hian tun thleng hian android application-ah FAKNA dah a la ni lo a. Advertisement (Google Ads) awm ta se chu thla tin chêng engemawzât chu a lût ve ziahin a rinawm. Amaherawhchu, chutiang ni lova he JF DICTIONARY hmang ṭangkai tak zet ten hei aia a lo ṭhat leh changtlun zual zâwk theih nân, he project hi an SUPPORT zia an lantîr theih nan DONATION ang zâwnga kalpui hi ṭha ta zâwkin ka hria a. Chutianga mi inhuam leh mi inphal te sum tlem lo tlingkhâwmin website senso te a lo phuhrûk ve theih chuan a lawmawm êm êm dawn a ni. Ka internet bill leh buaipui hah man te min pe ve rawh u ka ti lo va, mi tam zâwkin JF DICTIONARY website leh android application hi an lo hman ṭangkai lehzual theihnan i ṭangho ang u ka ti mai zâwk a ni 😇.
Aw le, JF DICTIONARY website atân hian server chak ṭha tak a ngaih avângin company rinngam GoDaddy Deluxe Hosting hman a ni a. I inhuam a "website man te chu ka lo tum ve ang e" ti a, server man Rs.6000/- i pe nghal ṭhawt thei anih pawhin pe nghal mai lovin, mi tam takin he project hi an SUPPORT zia an lantîr ve theih nân midang i kian ve dawn nia, Mizote kan ṭanrual thiam leh thiam lohzia he project aṭang hian a hriat dawn si a. Tin, Payment lo process tu atân hian PAYUMONEY INDIA PVT. LTD. hman a ni a, an ni hian processing fee-ah 2% an la ti erawh hre tel ila. I donate duh anih chuan cheng 1 aṭangin duh duh zât zât a donate theih a, tin, PayUmoney secure site ah engkim a in process vek dâwn avângin i debit card/credit card, net banking details a him vek tih i hre bawk dawn nia.
Target tlin hunah engtin?
Target cheng 6000/- tlin hunah chuan email hmangin mi inphal zawng zawng te hnenah lawmthu sawina thawn a ni ang a, social media-ah target tlingtlâk anih thu tlângzarh a ni bawk ang.
Ready to support?
No act of kindness, no matter how small, is ever wasted.
- Aesop